Вандроўка ў Заходнюю Беларусь 7—9 мая. Засталося некалькі вольных месцаў
Магілёўскае Таварыства беларускай мовы 7–9 мая (субота-панядзелак ) ладзіць вандроўку «Па Нарачанскім краі». Засталося некалькі вольных месцаў.
Падчас падарожжа на камфартабельным аўтобусе мы наведаем Крэўскі замак; старажытную Смаргонь, унікальныя храмы у Камаях, Солах і Гервятах і шэраг помнікаў архітэктуры і іншых цікавейшых мясцін Нарачаншчыны. Мы пабудзем і ў мясцінах, звязаных з жыццём і творчасцю Францішка Багушэвіча і Міхаіла Клеафаса Агінскага, а таксама пабачым непаўторныя краявіды азёраў Нарач, Свір і ракі Вілія.
Прыкладны маршрут: Магілёў — Менск — Крэва — Наваспаск — Залессе — Смаргонь — Жодзішкі — Свір — Засвір — Шэметава — Лынтупы — Камаі — Нарач — Міхалішкі — Быстрыца — Варняны — Астравец — Гервяты — Солы — Жупраны — Мінск — Магілёў.
Вас чакаюць:
• змястоўныя экскурсіі
• добрая і шчырая кампанія
• беларускамоўнае асяроддзе
• палаткавы лагер на беразе возера ці рачулкі
• трохразовае харчаванне паходнай кухняй
• смачныя гарбата і крупнік увечары
Адпраўленне 7 мая, субота:
з Магілёва — Палац культуры вобласці (былы ДК «Хімвалакно») — 7.00
з Мінска — станцыя метро «Магілёўская» (з боку ўезда ў Мінск) — пасля 10.00
Што ўзяць з сабой у вандроўку:
1. пашпарт;
2. ёмістасць для вады (пляшка, бутэлька), кружку, талерку і лыжку;
3. сурвэткі, ножык;
4. ліхтарык;
5. нажніцы, ніткі з іголкай;
6. зменны абутак і адзежу, парасон;
7. галаўны ўбор і сукенку (жанчынам) для наведвання храмаў;
8. ручнік і купальны гарнітур, мыла, зубную пасту і шчотку.
Кантактныя тэлефоны:
Алег —