БТ: «Пяціканцовая зорка — сімвал распятага Хрыста»
Экстравагантная трактоўка афіцыйнай сімволікі на галоўным лукашэнкаўскім тэлеканале.
Адзін з сюжэтаў праграмы Першага дзяржаўнага тэлеканала «В центре вніманія» ад 8 мая быў прысвечаны Дню дзяржаўнай сімволікі.Журналіст Андрэй Крывашэеў, які запомніўся гледачам па тэледэбатах кандыдатаў у прэзідэнты, падаў экстравагантную трактоўку колераў дзяржаўнага сцяга. Які ён чамусьці называў «трыкалорам».
Паводле Крывашэева, зялёны колер на сцягу сімвалізуе… пакуты Хрыста. Распяцце Збаўцы, паводле журналіста, сімвалізуе і чырвоная зорка на дзяржаўным гербе.От, не зналі таго камуністы!