Берлусконі едзе да Лукашэнкі?
Прынамсі, пра гэта кажа адвакат італьянскага прэм'ера.
З такой заявай выступіў сёння адвакат італьянскага прэм’ера Нікалё Гедыні.
У інтэрвію агенцтву ASNA Гедыні сказаў, што
Берлусконі не здолее прысутнічаць 30 і 31 мая на судовых працэсах супраць яго, бо на гэты тэрмін у яго запланаваны візіт у Беларусь.
30 і 31 траўня суды ў Італіі разгледзяць два не звязаныя паміж сабой абвінавачанні супраць Берлусконі: у сэксуальных зносінах з непаўналетняй прастытуткай і ва ўхіленні ад падаткаў. На гэты момант супраць яго ў Італіі вядуцца чатыры судовыя працэсы.
Берлусконі ўжо прыязджаў у Мінск з кароткачасовым візітам у кастрычніку 2009 года. Ён быў першым кіраўніком краіны ЕС, які наведаў Мінск пасля зняцця санкцый.
На той сустрэчы італьянскі прэм’ер дазволіў сабе некалькі кампліментаў убок Лукашэнкі: «Ваш народ вас любіць, аб чым сведчаць вынікі выбараў». Берлусконі называюць еўрапейскім адвакатам Аляксандра Лукашэнкі.