На Галоўпаштамце сёння падпішуць паштоўкі палітвязням
31 траўня ў 19:00 у будынку Галоўпаштамта адбудзецца акцыя «Усе разам пішам паштоўкі палітвязням».
Пасля акцыі пратэсту супраць фальсіфікацыі вынікаў прэзідэнцкіх выбараў 19 снежня 2010 года ў беларускіх судах прайшло 13 судовых працэсаў па крымінальнай справе «аб масавых беспарадках». Асудзілі 43 чалавекі, 30 з іх атрымалі розныя тэрміны турэмнага зняволення.
На дадзены момант падпісана больш за 3500 паштовак палітвязням. Паштоўкі падпісалі і працягваюць падпісваць вядомыя людзі, паведамляе сайт «Еўрапейскай Беларусі». Сярод іх — знакамітыя музыканты, тэлевядучыя, акцёры і іншыя.