Кіроўная кааліцыя Германіі вітае магчымую куплю «Газпромам» долі ў E.ON
У кіроўнай кааліцыі Германіі вітаюць магчымасць удзелу расійскага «Газпрома» ў канцэрне E.ON,паведамляе Deutsche Welle.
«Негатыўныя рэфлексы з нагоды ўваходжання „Газпрома“ ў E.ON неразумныя», — цытуе газета Handelsblatt словы эксперта фракцыі ХДС у бундэстагу па пытаннях эканамічнай палітыкі Ёахіма Пфайфера.
Са свайго боку эксперт СВДП па пытаннях эканомікі Марцін Лінднэр таксама ў інтэрв’ю Handelsblatt выказаў меркаванне, што з адмовай ад атамнай энергіі цікавасць Германіі да паставак газу з Расіі будуць толькі ўзрастаць.