Футбалісту Сяргею Крыўцу споўнілася 25 гадоў
Сёння, 8 чэрвеня, споўнілася 25 гадоў гульцу нацыянальнай зборнай Беларусі Сяргею Крыўцу, што выступае за познанскі «Лех».
Фота lechpoznan.pl
У маі Сяргей атрымаў траўму і таму быў вымушаны прапусціць матчы зборнай з Францыяй і Люксембургам.
Найлепшы футбаліст чэмпіянату Беларусі 2009 года перайшоў у польскі «Лех» з БАТЭ у снежні 2009 года. Правёў за клуб 38 матчаў, забіў 6 мячоў (у тым ліку ў сезоне 2010/2011 — 25 матчаў/3 галы).
Чэмпіён Польшчы 2010 года.