Дзікі выпадак у Смалявічах: на акцыі затрыманае трохгадовае дзіця разам з бацькамі
У Смалявічах больш за 30 чалавек сабраліся на цэнтральнай плошчы. Некаторыя з удзельнікаў «народных гулянняў» раскідвалі «грашовыя фанцікі».
Падзеі здымаліся на відэа невядомымі асобамі. Пасля завяршэння акцыі міліцыянты запрасілі ў РАУС Артура Эшбаева разам з жонкай Аляксандрай і трохгадовым сынам Самірам, якіх трымалі ў міліцыі да 22 гадзін.
Як піша «Праваабарончая хроніка», начальнік аддзела грамадскай бяспекі Мартысюк прасіў яго падпісаць папярэджанне аб недапушчальнасці ўдзелу ў несанкцыянаваных акцыях.
Падтрымаць Артура да РАУС падышло 12 чалавек. Усіх іх таксама затрымалі. Пасля ўзяцця адбіткаў пальцаў і тлумачальных усіх адпусцілі праз гадзіну.