ЗША выводзяць войскі з Афганістана
Да канца 2011 г. Злучаныя Штаты выведуць з Афганістана 10 тысяч сваіх вайскоўцаў, а да лета 2012 году — 33 тысячы.
Выступаючы па нацыянальным тэлебачанні, прэзідэнт ЗША Барак Абама заявіў, што амерыканская прысутнасьць у Афганістане будзе паступова і няўхільна скарачацца да часу, пакуль у 2014 г. поўны кантроль за сітуацыяй у краіне не пяройдзе да афганскіх уладаў.
Абама падкрэсліў, што Вашынгтон будзе актыўна ўдзельнічаць ва ўсіх ініцыятывах, скіраваных на дасягненне нацыянальнага міру ў Афганістане.
Паводле амэрыканскага прэзыдэнта, вывад войскаў пачынаецца ў час, калі сітуацыя ў Афганістане складаецца на карысць ЗША.
Пры гэтым ён прызнаў, перад Злучанымі Штатамі ў Айганістане яшчэ застаюцца «велізарныя праблемы»:
«Гэта толькі пачатак, а не канец нашых высілкаў, накіраваных на тое, каб спыніць вайну. Нам яшчэ давядзецца зрабіць вельмі шмат, каб захаваць здабытае — пры адначасовым вывадзе вайскоўцаў і перадачы афганскаму ўраду адказнасці за бяспеку».
Абама пастараўся запэўніць амэрыканцаў у тым, што «паласа вайны» канчаецца. «Дарма што ў Аўганістане яшчэ будуць чорныя дні, наперадзе відаць святло надзейнага міру», — дадаў прэзідэнт ЗША.
На сённяшні дзень у Афганістане размешчана каля 100 тысяч амерыканскіх вайскоўцаў.