У Глыбокім уначы адключаюць ліхтары
Большасць вуліц Глыбокага ноччу не асвятляецца. Прычынай стаў недахоп грошай.
Як паведамляе раённая газета «Веснік Глыбоччыны», сёлета на асвятленне вуліц з бюджэту вылучана 553 мільёны рублёў. За першыя чатыры месяцы года палова з іх скарыстаная. Каб вылучаных сродкаў хапіла да канца года, летам вырашылі адключыць асвятленне на большасці вуліц.
Дарэчы, ліхтары на вуліцах адключаюць і ў гарадскім пасёлку Падсвілле.