Затрыманы журналіст «НН» Алесь Пілецкі
Ён быў затрыманы каля ўваходу ў метро «Кастрычніцкая».
Да яго падышлі і папярэдзілі, што калі ён праз 5 хвілін не сыйдзе, па яго прыедзе машына. Журналіст адмовіўся, бо перадаваў па тэлефоне матэрыял у рэдакцыю. Праз хвіліну падышлі зноў, і Алесь Пілецкі быў затрыманы. Яго адвялі ў пастарунак насупраць Нацыянальнага музея, што на вуліцы Леніна, забралі пасведчанне.
Яго тэлефон цяпер недаступны.
***
Нагадаем таксама, што Алесь Пілецкі затрымліваўся і падчас папярэдняй акцыі, што прайшла 22 чэрвеня.