Нямецкі дэпутат: Германія зробіць усё, каб Лукашэнка не атрымаў крэдыту МВФ, пакуль не...
Германія зробіць усё, каб Лукашэнка не атрымаў крэдыту МВФ, пакуль не выканае пэўных умоваў. Пра гэта заявіў дэпутат Бундэстага ад Свабоднай дэмакратычнай партыі (з урадавай кааліцыі) Міхаэль Лінк у часе публічнай дыскусіі «Канец палітыкі арэляў: Беларусь між Расіяй і Еўропай». Гэтая дыскусія адбылася ў сераду 29 чэрвеня ў Еўрапейскай акадэміі ў Берліне.
У той жа час удзельнікі дыскусіі, дэпутат Лінц і былы пасол Беларусі ў Нямеччыне Пятро Садоўскі, крытычна выказаліся пра эканамічныя санкцыі Еўрасаюза супраць Беларусі. На думку Лінца, яны контрпрадуктыўныя, а на думку Садоўскага, нерэалізабельныя.