Гомельская міліцыя патрабуе закрыць незалежны рэгіянальны сайт «Моцныя навіны»
Як паведаміў гомельскі лідар руху «За Свабоду» Пётр Кузняцоў, 2 ліпеня міліцыянеры наведалі кватэру, у якой размяшчаецца офіс руху і сайта. «Міліцыянеры забралі ў апорны пункт міліцыі Яўгена Суворава, на імя якога зарэгістраваны дамен сайта, і запатрабавалі закрыць
Паводле слоў палітыка, яго міліцыянеры выклікалі ў райаддзел позвай на 4 ліпеня. «Міліцыю цікавіць дагавор на арэнду кватэры. Яны патрабуюць тлумачэнняў: якая дзейнасць ажыццяўляецца ў кватэры, што ў ёй знаходзіцца. Хутчэй за ўсё, наш офіс хочуць ліквідаваць. Гэта будзе адчувальнай стратай для ўсёй дэмакратычнай грамадскасці рэгіёну, бо тут знаходзіцца і офіс нашага руху, і шэрагу НДА, і рэдакцыя сайта «Моцныя навіны», — адзначыў рэгіянальны лідар.