Рэвалюцыя аказалася віртуальнай

Самая актыўнасць на гэты раз зафіксаваная ў Твітары. За некалькі хвілін да пачатку запланаванай акцыі стужка навін складалася з допісаў троляў.

Самая актыўнасць на гэты раз зафіксаваная ў Твітары. За некалькі хвілін да пачатку запланаванай акцыі стужка навін складалася з допісаў троляў.

Першая акцыя, запланаваная «Рухам будучыні» на 3 ліпеня, не адбылася, а дакладней, калі і адбылася, то ў сацыяльных сетках. У адноўленых фрагментах суполкі «Рэвалюцыя праз сацыяльныя сеткі» — зацішша. Асноўная актыўнасць назіралася ў Твітары, асабліва ў суполцы . #minsk

За дзве гадзіны да пачатку параду ў Твітары пачалі рэгістравацца новыя карыстальнікі — адрозніць іх можна было па выяве: найчасцей гэта былі белыя яйкі на каляровым фоне.

За некалькі хвілін да пачатку запланаванай акцыі амаль уся стужка навін складалася з допісаў троляў.

Падчас прамовы прэзідэнта выявілася асноўная задача троляў — з рэгулярнасцю раз на дзве-тры хвіліны яны пачалі распаўсюджваць інфармацыю кшталту: «Зараз АМАП хапае людзей ля «Планеты!», «Пачаліся масавыя затрыманні і збіццё!». Такім чынам, калі па Твітары прайшла інфармацыя пра некалькіх затрыманых, нельга было сказаць дакладна ці гэта праўда, ці чарговая правакацыя.

У гэты самы час перыядычна адпісваліся з параду людзі, якія заклікалі адразу па з’яўленні на парадзе Лукашэнкі перакрыць праспект і пачаць у 12.00 забастоўку па ўсё краіне. На іх, дарэчы, рэагавалі гэтаксама як і на прыхільнікаў Лукашэнкі — імкнуліся ігнараваць. Звычайныя ж удзельнікі, якія пісалі ў Твітар з самога параду, былі ў разгубленасці — калі пачынаць хлопаць. У выніку ніхто не адказаў, а стужка проста напоўнілася запісамі «ШОС».

Аднак,

як толькі прамова скончылася, і «правакатары» і «прыхільнікі» пачалі знікаць са стужкі. Астатнія допісы былі ўжо хутчэй жартаўлівымі — кшталту «а закрываць парад будзе сама ротарная жатка».

Каментары да артыкула