Лябедзька: «У Лукашэнкі застаўся апошні саюзнік — страх»
Старшыня АГП Анатоль Лябедзька назваў маўклівыя пратэсты руху «Рэвалюцыя праз сацыяльныя сеткі» паспяховым фарматам акцый, разлічаным на пэўны сегмент беларускага грамадства:
«Пакуль нельга сказаць, што яны вытхнуліся, бо далучаюцца новыя людзі і рэгіёны. Калі гэтая акцыя вытрымае такі фармат да восені, то восенню я прагназую далучэнне новага сегменту грамадства. Што да рэакцыі ўладаў, то ў Лукашэнкі застаўся апошні хаўруснік — гэта страх, і ён апелюе зараз толькі да яго. У яго не засталося моцных саюзнікаў сярод беларускага грамадства, за межамі краіны, і ён можа разлічваць толькі на страх. Таму такая брутальная, жорсткая, абсурдная рэакцыя».