Аднарукага чалавека аштрафавалі за апладысменты + фота
Бацька затрыманага: «Як гэта магчыма, калі мой сын інвалід? У яго замест рукі - пратэз!»
Ганебны выпадак здарыўся ў Гродне. Хлопец быў аштрафаваны за ўдзел у маўклівай акцыі пратэсту на 1 050 тысяч рублёў.
Адзін са сведкаў пераконваў суд, што затрыманы падчас несанкцыянаванай акцыі пляскаў. Бацька падсуднага, які прысутнічаў у зале суда, не вытрымаў і, устаўшы, заявіў:
«Як гэта магчыма, калі мой сын інвалід? У яго замест рукі - пратэз!».
Паводле сведкаў, суддзя ўсё гэта выслухала, а потым апусціла галаву і дала затрыманаму штраф.
Усяго ў краіне за ўдзел у маўклівых акцыях пратэсту з патрабаваннем эканамічных і палітычных перамен за апошні месяц было затрымана каля 1730 чалавек. Сотні з іх былі асуджаны да адміністратыўных арыштаў і штрафаў.