Уга Чавес нацыяналізаваў золатаздабычу ў Венесуэле
Прэзідэнт Венесуэлы Уга Чавес падпісаў дэкрэт аб перадачы ва ўласнасць дзяржаве прадпрыемстваў, якія вядуць здабычу і перапрацоўку золата.
У сваім тэлевізійным звароце ён таксама абвясціў, што ў бліжэйшыя тыдні пачнецца рэпатрыяцыя залатых рэзерваў Венесуэлы коштам 11 мільярдаў даляраў з банкаў Еўропы і ЗША.
Чавес удакладніў, што золата будзе выкарыстоўвацца не для аплаты нацыянальнага доўгу або для яго ўласных патрэбаў, а для ўзмацнення рэзерваў Цэнтрабанка краіны.
Раней урад Уга Чавеса нацыяналізаваў шэраг прадпрыемстваў у іншых галінах. Нацыяналізацыя закранула прадпрыемствы металургіі, кампаній нафтавага і банкаўскага сектара.