Паўсталыя з попелу

БАТЭ і «Дынама» згулялі ў беларускім Эль Класіка ўнічыю 2:2, гульня запомнілася траўмай Віталя Радзівонава і галкіперскім дэбютам Ягора Філіпенкі.

У нядзелю вечарам на гарадскім стадыёне ў Барысаве прайшло беларускае Эль Класіка — «БАТЭ» — «Дынама» Мінск — 2:2.

Герой гульни Ягор Філіпенка, pressball.by

Позні пачатак гульні (20:30) гарантаваў поўны стадыён, дый барысаўскія заўзятары маглі параўнаць гэты матч з бітвай пры Манчэстары, што адбылася гадзінай раней на Олд Трафард. Хоць якая там бітва была, форменны разгром. А вось на Бярэзіне — гэта была бітва.

Праўда, першы тайм скончыўся з лікам 0:0, але была ясна, што бура пачнецца пасля першага гола.

На 49-й хвіліне ў сваёй штрафной рукой згуляў Аляксандр Юрэвіч, суддзя Шчарбакоў прызначыў пенальці. Барысаўчыне кінуліся аспрэчваць рашэнне, у тым ліку і Аляксандр Гутар, які атрымаў жоўтую картку. Бруна Фурлан бездакорна прабіў (1:1).

Пасля гола БАТЭ прачнуўся і кінуўся адыгрывацца.

На 63-й хвіліне Рудзік магутным ударам з метраў 30 прабіў па варотах. Гушчанка мяч адбіў, на дабіванне рвануўся Радзівонаў і паспеў праштурхнуць мяч вароты (1:1),

але Гушчанка прамой нагой ударыў у ногі форварда БАТЭ.

Віталь скурчыўся ад болі. На поле рвануўся нават галоўкам БАТЭ Віктар Ганчарэнка. Ён прабег метраў з трыццаць, але быў спынены рэзервным арбітрам.

Віталь — які пасля шматмесячанага ўзнаўлення вярнуўся на поле месяц таму (20 ліпеня ў матчы з «Лінфілдам») — працягваўся курчыцца ад болі, а ў гэты час фанаты «Дынама» зацягнулі: «Уноси, уноси!».

Радзівонаву аказалі дапамогу, але на поле ён не вярнуўся, кульгаючы пайшоў у падтрыбуннае памяшканне. Трыбуны віталі яго стоячы.

Гульня працягнулася. На 73-й хвіліне «Дынама» выйшла наперад, зноў вызначыўся Фурлан. Але ўжо праз хвіліну Ягор Філіпенка лік зраўняў. Філіпенка, які стаў героем матча за 3-е месца на моладзевым чэмпіянаце Еўропе,

стаў героем і гэтай гульні.

На 81-й другую жоўтую картку ў сустрэчы атрымаў Гутар, што трансфармавалася ў чырвоную — выдаленне. Паколькі ўсе замены ў матчы былі вычарпаныя, выпусціць запаснога Часноўскага не прадстаўлялася магчымым.

Філіпенка ўпэўнена апрануў майку Гутара. Таксама ўпэўнена ён адстаяў усе пазасталыя 14 хвілін.

Вось толькі здзекам выглядала прызнанне найлепшым гульцом матча з боку «Дынама» Гушчанкі. Ён стаў антыгероем гульні.

На пасляматчавай прэс-канферэнцыі галоўны трэнер «Дынама» Сяргей Аўчыннікаў папрасіў прабачэння за фол Гушчанкі.

«Хачу выбачыцца за тое, што мы нанеслі траўму гульцу БАТЭ. Я выбачаюся, але зрабілі гэта мы не спецыяльна. Лік жа, напэўна, па гульні».

Галоўны трэнер БАТЭ Віктар Ганчарэнка быў катэгарычны: «Пагаджуся, што сёння была выдатная гульня. Выдатная аура была і на стадыёне. Мяркую, што па якасці гэта быў адзін з найлепшых матчаў у сезоне, уключаючы еўракубкавыя. (…) Я ганаруся хлопцамі. Мы сёння паўставалі ў попелу. „Дынама“ забівала — мы адыгрываліся.

Але, на мой погляд, суддзі працягваюць выціраць ад нас ногі.

Журналістаў хвалявала, што з Радзівонавым?

«Разрыў крыжападобны, меніск, бакавая звязка

Пасля гульні запомніліся змрочныя твары гульцоў БАТЭ і персаналу каля клубных аўтобусаў. Сапраўды, лепш бы сёння БАТЭ прайграў, але захаваў Радзівонава. Між іншым, у апошніх трох турах БАТЭ набраў два пункты.

Астатнія матчы тура: «Мінск» — «Шахцёр» — 1:1, «Віцебск» — «Дынама» Брэст — 3:0, «Белшына» — «Тарпеда-БелАЗ» — 1:1, «Гомель» — «Нафтан» — 1:0, «Нёман» — «Дняпро» — 1:1.

Пасля 23-х тураў: БАТЭ — 49, Шахцёр — 40, Гомель — 35, Дынама Мінск — 32, Тарпеда — 31, Нафтан — 30, Белшына — 27, Віцебск, Мінск — 26, Нёман — 24, Дынама Брэст — 23, Дняпро — 20.

«Гомель» і «Белшына» правялі па 22 гульні.

Матчы 24-га тура пройдуць 10–11 верасня. БАТЭ 10 верасня ў Салігорску згуляе з «Шахцёрам», а «Дынама» дома з «Віцебскам».

Каментары да артыкула