У Гомелі зрабіў аварыйную пасадку румынскі самалёт
Ноччу 31 жніўня ў аэрапорце «Гомельавія» зрабіў аварыйную пасадку румынскі самалётChallenger-604 . Ахвяр няма, паведамілі БелаПАН у цэнтры прапаганды і навучання Гомельскага абласнога ўпраўлення МНС.
У аэрапорт была накіравана тэхніка МНС і іншых службаў. Мяркуецца, што адбыўся збой бартавога камп’ютара самалёта.
Авіялайнер належыць авіякампаніі Bucharest — Baneasa, ён выконваў рэйс Масква — Бухарэст. На борце знаходзіліся толькі тры чалавекі экіпажа, пасажыраў не было.
Самалёт будзе знаходзіцца на тэрыторыі аэрапорта «Гомельавія» да выяўлення і ўхілення няспраўнасцяў.