МТС выставяць на продаж 1 снежня
За 1 млрд даляраў.
Аўкцыён па продажы дзяржаўнай долі ў статутным фондзе СТАА «Мабільныя ТэлеСістэмы» адбудзецца 1 снежня ў Мінску,паведамілі ў Дзяржкаммаёмасці.
Дзяржкаммаёмасць правядзе аўкцыён па продажы долі ў статутным фондзе СТАА «Мабільныя ТэлеСістэмы», якая знаходзіцца ва ўласнасці Беларусі і гаспадарчым падпарадкаванні РУП «Белтэлекам».
Для ўдзелу ў аўкцыёне неабходныя дакументы можна будзе падаць да вечара 15 лістапада.
Дзяржава гатова прадаць сваю долю ў беларускім аператары за $1 млрд.