З Беларускага інстытута правазнаўства звольнілі дваіх грамадскіх актывістаў
Без працы засталіся Наталля Васілевіч і Андрэй Завадскі.
Дваім выкладчыкам Беларускага інстытута правазнаўства — Андрэю Завадскаму і Наталлі Васілевіч — не працягнулі кантрактаў. Але з пачатку верасня яны прыступілі да працы, бо значыліся ў раскладзе заняткаў. 26 верасня з’явіўся яшчэ адзін загад за подпісам рэктара інстытута Сяргея Самаля — адхіліць Завадскага і Васілевіч ад заняткаў, паведамляе радыё «Свабода».
Самі выкладчыкі звязваюць гэта са сваёй актыўнай грамадзянскай пазіцыяй. Андрэй Завадскі — актывіст асветніцкага грамадскага аб’яднання «Фонд Льва Сапегі», Наталля Васілевіч — рэдактарка сайта «Царква», дырэктар цэнтра «Экумена».