Дзяржаўныя СМІ паведамілі пра выхад Уса, замаўчаўшы прозвішча вызваленага
Так было і ў папярэдніх выпадках.
Дзяржаўныя СМІ паведамілі пра вызваленне экс-кандыдата ў прэзідэнты Дзмітрыя Уса на наступны дзень, 2 кастрычніка. Пры гэтым ні БелТА, ні Першы канал не назвалі прозвішча вызваленага. У лаканічных паведамленнях гаворыцца толькі, што Лукашэнка «памілаваў яшчэ аднаго з асуджаных за ўдзел у вулічных беспарадках у Мінску 19 снежня 2010 года». Указ падпісаны 1 кастрычніка.
Нагадаем, што Дзмітрый Ус быў вызвалены вечарам у 19:00 1 кастрычніка. Экс-кандыдат у прэзідэнты знаходзіўся ў турэмным шпіталі на Валадарскага ў Мінску.