Слонім: Пракуратура папярэдзіла арганізатараў Народнага сходу
Івана Бедку — арганізатара Народнага сходу — выклікалі ў пракуратуру і папярэдзілі пра адказнасць за правядзенне несанкцыянаванага мерапрыемства.
Бедка заявіў: у пракуратуры яму прапанавалі падпісаць паперу пра тое, што ён папярэджаны пра адказнасць за правядзенне масавага мерапрыемства без дазволу ўладаў.
Іван Бедка запярэчыў пракурору і сказаў, што згодна з існуючым заканадаўствам для правядзення Народнага сходу не патрэбна мець дазволу ад ўладаў і адмовіўся падпісваць любыя паперы. На што яму коратка адказалі: «Мы вас папярэдзілі…».