У Мінску пачаліся затрыманні грамадскіх актывістаў
У 9.40 невядомыя ў цывільным затрымалі актывіста «Еўрапейскай Беларусі» Максіма Вінярскага.
Каардынатар «Еўрапейскай Беларусі» Максім Вінярскі быў затрыманы праз гадзіну пасля Фёдара Мірзаянава. Да былога палітвязня Мірзаянава міліцыянт прыйшоў у 8.30 і забраў з сабой. Таксама каля 8.30 раніцы да іншага палітвязня Дзмітрыя Дразда прыходзілі трое супрацоўнікаў міліцыі. Яны настойліва тэлефанавалі ў дзверы і на хатні тэлефон. Дзмітрыя ў гэты час дома не было. Прыкладна ў гэты ж час знікла сувязь з актывістам Сяргеем Казаковым.
Нагадаем, што на сённяшні вечар запланаваная акцыя салідарнасці з палітзняволенымі. Яна павінна прайсці на Кастрычніцкай плошчы сталіцы.