Вікторыя Азаранка выйграла турнір WTA у Люксембургу
Гэта восьмы тытул беларускі ў адзіночным разрадзе.
У фінальным матчы турніру з прызавым фондам 220 000 даляраў беларуска (№ 3 WTA) перамагла румынку Моніку Нікулеску (34) — 6:2, 6:2.
Для Вікторыі Азаранкі гэта ўжо восьмы тытул WTA, здабыты ў адзіночным разрадзе: 2009 — Брысбэн, Мемфіс, Маямі, 2010 — Стэнфард, Масква, 2011 — Маямі, Марбелья, Люксембург. На наступным тыдні Вікторыя возьме ўдзел у выніковым турніры WTA у Стамбуле, у якім бяруць удзел восем найлепшых тэнісістак свету.