У Свіслачы (Гродзеншчына) ушануюць памяць братоў Каліноўскіх
Традыцыйнае мерапрыемства Дзень памяці плануецца правесці 29 кастрычніка. Удзельнікі ўскладуць кветкі да бюста Кастуся Каліноўскага, ушануюць магілы Віктара Каліноўскага і Рамуальда Траугута, а таксама наведаюць сядзібу Каліноўскіх у Якушоўцы.
Дзень памяці ў Свіслачы адзначаецца штогод ад 1996 года, як гродзенскія актывісты адшукалі там магілу Віктара Каліноўскага і ўпарадкавалі яе. Штогод у гэты дзень у Свіслач з’яжджаюцца людзі з розных куткоў Беларусі.