Лукашэнка раздаў узнагароды за раскрыццё тэракта ў метро
«У рэспубліцы не дапусцілі разгулу злачыннасці і хаосу».
На ўручэнні дзяржаўных прэмій і ўзнагародаў ён заявіў, што ў нашай краіне расце аўтарытэт органаў унутраных справаў. Акрамя таго, па словах Лукашэнкі, расце таксама прэстыж вайсковай службы.
«Мы ўзнагароджваем людзей, якія мелі непасрэднае дачыненне да раскрыцця тэракту ў мінскім метро, і тых, хто ахоўвае парадак нашай Радзімы кожны дзень. У рэспубліцы не дапусцілі разгулу злачыннасці і хаосу. Беларусь застаецца мірнай і з’яднанай краінай. Расце прэстыж вайсковай службы і аўтарытэт органаў унутраных справаў. У гэтым ваша вялікая заслуга. Дзякуй вам за верную службу Айчыне».