Турцыя ўводзіць эканамічныя санкцыі супраць Сірыі
Анкара прыняла рашэнне прыпыніць стратэгічнае супрацоўніцтва з Дамаскам да тых часоў, пакуль там не памяняецца ўрад, заявіў у аўторак міністр замежных спраў Турцыі Ахмет Давутоглу.
Прынята рашэнне замарозіць рахункі сірыйскага кіраўніцтва ў турэцкіх банках, а таксама блакаваць пастаўкі любой зброі і ваеннага рыштунку ў Сірыю.
Паводле Давутоглу, прэзідэнт Сірыі Башар Асад павінен неадкладна спыніць гвалт у дачыненні да антыўрадавых дэманстрантаў і зразумець, што яго ўрад зайшоў у тупік.