Новая ўцечка радыеактыўнай вады адбылася на АЭС «Фукусіма-1»

Супрацоўнікі японскай атамнай электрастанцыі «Фукусіма-1» выявілі ўцечку радыеактыўнай вады. Аб гэтым гаворыцца ў прэс-рэлізе аператара станцыі кампаніі Tokyo Electric Power Co. (TEPCO), апублікаваным сёння.

Уцечка вады была зафіксавана яшчэ напярэдадні раніцай у будынку, дзе размешчаны ўстройствы для ачысткі ад радыяцыі.

Прычынай стала трэшчына ў бетоннай сцяне вакол прылады для ачысткі ад радыяцыі. Цераз яе радыеактыўная вада выцякла ў сцёкавую канаву. Паводле ацэнак экспертаў TEPCO, цераз трэшчыну выцекла каля 300 л вады.

Цяпер уцечка ліквідавана. Спецыялісты правяраюць, ці не трапіла радыеактыўная вада праз канаву ў акіян.

Апошні раз праблемы з радыяцыяй узніклі на «Фукусіме-1» у пачатку лістапада 2011 года. Тады на АЭС была зафіксавана павышаная колькасць радыеактыўнага газу.

Каментары да артыкула