Ой, бярозы ды сосны

МЗС вызначыла восем асноўных тэм, па якіх Беларусі «трэба сур’ёзна ствараць інфармацыйныя рэсурсы».

МЗС вызначыла восем асноўных тэм, «па якіх нам трэба сур’ёзна ствараць інфармацыйныя рэсурсы», заявіў прэс-сакратар МЗС Беларусі Андрэй Савіных, выступаючы 6 снежня ў Мінску на першай міжнароднай навукова-практычнай канферэнцыі «Абарона брэндаў беларускіх вытворцаў на знешніх рынках: актуальныя праблемы і шляхі вырашэння».

Прычым, лічыць прадстаўнік МЗС, рэсурсы неабходна ствараць

«не толькі на рускай і англійскай мовах, але таксама на французскай, іспанскай, нямецкай і іншых».

Ён адзначыў, што

даследаванне аб тым, якія тэмы пра Беларусь цікавяць замежную аўдыторыю, было праведзена ў 12 пасольствах сярод амаль тысячы чалавек.

Першая тэма, паведаміў прэс-сакратар, — гісторыя Беларусі ў сувязі з агульнаеўрапейскай гісторыяй і гісторыяй чалавецтва. «Іншаземцаў цікавіць, што адбывалася ў Беларусі, напрыклад, падчас французскай рэвалюцыі, праўлення караля Людовіка XV, часы падзення рымскай імперыі і г.д., гэта значыць сувязь з гісторыяй чалавецтва, але з акцэнтам на беларускую ідэнтычнасць, развіццё дзяржаўнасці, выдатных людзей Беларусі», — патлумачыў Савіных.

Другая тэма — культура Беларусі таксама ў сувязі з агульнаеўрапейскай культурай: мастацтва, архітэктура і г.д. «Цікавіць, якім чынам прасочваецца ўплыў глабальнай культуры як на ўсю краіну ў цэлым, так і на гістарычныя тэрытарыяльныя ўтварэнні», — адзначыў прадстаўнік знешнепалітычнага ведамства.

Трэцяя тэма — прырода Беларусі, «якая таксама выклікае вялікую цікавасць», сказаў прэс-сакратар.

Чацвёртая тэма — сацыяльная палітыка. «Найперш гэта тычыцца барацьбы з беднасцю, стаўленнем да інвалідаў, так званая сацыяльная салідарнасць, якая, на думку іншаземцаў, развіта ў большай ступені, чым у іншых краінах. Гэта вельмі цікавы аспект, які можа мець імпульс у станоўчым іміджы краіны», — мяркуе Савіных.

Пятая тэма — развіццё грамадзянскай супольнасці. «Гэтая тэма вельмі складаная і супярэчлівая, якая ўключае падтэмы:

правы чалавека, смяротная кара, грамадскія арганізацыі, СМІ,

Шостая тэма — развіццё навукі і інавацый. «Мы можам паказаць, наколькі краіна ў стане развіваць навуку і генерыраваць інавацыі і ўкараняць іх, гэта вельмі сур’ёзна фарміруе стаўленне да краіны», — лічыць Савіных.

Сёмая і восьмая тэмы — гэта паказчыкі сацыяльна-эканамічнага развіцця краіны, інвестыцыйны і дзелавы клімат.

Каментары да артыкула