У выхадныя — мокры снег з дажджом

Прагноз надвор'я на 10-12 снежня.

Згодна з прагнозам Рэспубліканскага гідраметэацэнтра, у найбліжэйшыя суткі ў Беларусі будзе воблачна з праясненнямі. На большай частцы тэрыторыі ападкі (мокры снег, дождж). Ноччу і раніцай на асобных участках дарог галалёдзіца, па ўсходзе слабы галалёд. Вецер паўднёва-заходні 6–11 м/с, парывы 14 м/с, месцамі да 15–18 м/с. Тэмпература паветра мінімальная ноччу мінус 3 — плюс 2°С, максімальная днём 0 — плюс 5°С.

У Мінску ў суботу часам ападкі (мокры снег, дождж). Ноччу і раніцай на асобных участках дарог галалёдзіца. Вецер паўднёва-заходні 6–11 м/с, парывы да 14 м/с. Тэмпература паветра мінімальная ноччу мінус 1 — плюс 1°С, максімальная днём плюс 1–3°С.

У наступныя двое сутак, 11–12 снежня, па Беларусі чакаецца пераменная воблачнасць. У нядзелю, 11 снежня, у цэнтральных і паўночных раёнах часам невялікі снег. Ноччу і раніцай на асобных участках дарог галалёдзіца. Вецер паўднёва-заходні 7–12 м/с, месцамі па Віцебскай вобласці парывы да 15–18 м/с. Тэмпература паветра мінімальная ноччу 0 — мінус 5°С, максімальная днём мінус 1 — плюс 4°С.

12 снежня месцамі кароткачасовы снег, днём па Брэсцкай вобласці ападкі, у асноўным дождж. Ноччу і раніцай на асобных участках дарог галалёдзіца. Вецер паўднёва-заходні, паўднёвы 6–11 м/с, днём парывы да 14 м/с. Тэмпература паветра мінімальная ноччу 0 — мінус 6°С, максімальная днём мінус 1 — плюс 4°С.

Каментары да артыкула