Жорсткае забойства пенсіянераў у Рагачоўскім раёне
У вёсцы Кашара ў сваёй хаце знойдзены целы мужа і жонкі 1934 і 1941 гадоў нараджэння са шматлікімі сечанымі ранамі.
Па факце забойства заведзена крымінальная справа.
Трывогу забілі суседзі. За некалькі дзён да гэтага старыя перасталі з'яўляцца на вуліцы.
Зазірнуўшы ў акно, аднавяскоўцы ўбачылі страшную карціну, пасля чаго і патэлефанавалі ў міліцыю.
На месцы трагедыі працуе следчая група абласной пракуратуры. Усталёўваюцца асобы, якія маюць дачыненне да забойства, і матывы жорсткага злачынства. Аб сям'і пенсіянераў вяскоўцы выказваюцца выключна станоўча. Пажылыя людзі трымалі гаспадарку, самастойна апрацоўвалі гарод і ні з кім не канфліктавалі.