У Венгрыі бяздомных будуць штрафаваць
З надыходам халадоў у Венгрыі ўступіў у сілу закон, па якім людзі, што жывуць на вуліцы, будуць падвяргацца штрафу ў 150 тысяч форынтаў (прыкладна $600), што складае сярэднюю зарплату ў краіне,паведамляе France24.
Закон быў прыняты ў канцы мінулага месяца пасля ўнясення кансерватыўнай партыяй Fidesz і быў зацверджаны большасцю ў парламенце.
Пры гэтым, па словах праваабаронцаў, усяго ў сталіцы Венгрыі не больш за пяць тысяч месцаў у прытулках для бяздомных. Такім чынам, тыя бяздомныя, якім не знойдзецца месца ў прытулках, павінныя будуць сесці ў турму, калі не знойдуць грошай для выплаты штрафу.Па статыстыцы на вуліцах у Будапешце жыве каля 10 тысяч чалавек.