Нацбанк: падыход да прадастаўлення льготных крэдытаў на жыллё стане больш жорсткім
У эфіры праграмы «Контуры» тэлеканала АНТ старшыня праўлення Нацбанка Надзея Ермакова паведаміла, што «падыход да прадастаўлення льготных крэдытаў на будаўніцтва жылля ў Беларусі стане яшчэ больш жорсткім».
Кіраўнік Нацбанка адзначыла, што сістэма льготнага крэдытавання жыллёвага будаўніцтва захаваецца, аднак зменяцца катэгорыі грамадзян, якім будуць даваць ільготныя крэдыты. «Сур’ёзна ўскладніцца падыход, каго крэдытаваць і каму даваць льготны крэдыт,
памяншаецца і сума такіх крэдытаў — яна складзе каля Br7 трлн.»,— Сказала Надзея Ермакова.
Як паведамлялася, у Беларусі ў 2012 годзе будзе пабудавана 4,2 млн. кв.м жылля, у тым ліку 2,3 млн.кв.м — з дзяржпадтрымкай.
У 2011 годзе плануецца ўвесці ў строй 5,5 млн кв.м жылля.