Міліцыя: на набажэнствах на каталіцкія Каляды прысутнічала каля 240 тысяч грамадзян
У ноч на 25 снежня на набажэнствах з нагоды Божага Нараджэння ў каталіцкіх храмах прысутнічала каля 240 тысяч грамадзян. Аб гэтым паведамілі ў МУС Беларусі, адзначыўшы, што «грамадскі парадак забяспечаны».
У Мінскай вобласці набажэнствы праходзілі ў 17 касцёлах. У іх удзельнічала каля 3 тысяч чалавек. Грубых парушэнняў грамадскага парадку не дапушчана, паведамілі ў аддзяленні інфармацыі і грамадскіх сувязей УУС Мінскага аблвыканкама.
У Мінску каталіцкія храмы ў ноч з 24 на 25 снежня наведалі прыкладна 4 тысячы вернікаў.