Фэсты і кірмашы на праваслаўнае Раство ў Мінску

6.01.2012 / 11:07

Расклад мерапрыемстваў на 6–8 студзеня.

6 і 7 студзеня з 12.00 да 14.00 каляднае свята для дзяцей і бацькоў пройдзе ў скверы па праспекце газеты «Праўда».

Раённае свята «Каляды» 7 студзеня пачнецца ў 13.00 у Мінскім заапарку (вул. Ташкенцкая, 44). Раённы калядны кірмаш пройдзе з 12.00 да 15.00 на плошчы каля кінатэатра «Салют» (пр. Ракасоўскага, 150а).

Каляднае свята ў мікрараёне Сокал пачнецца 7 студзеня ў 13.00 на пляцоўцы каля гандлёвага комплексу (вул. Барамзінай, 10а). Дзіцячы ранішнік «Калядныя жарты» 7 студзеня пройдзе з 13.00 да 15.00 у Цэнтральным дзіцячым парку імя Горкага.

Калядная праграма з удзелам самадзейных калектываў раёна 7 студзеня пачнецца ў 11.00 у пасёлку Азярышча. Культурна-забаўляльная праграма і калядны кірмаш адбудуцца з 10.00 да 16.00 7 студзеня на пляцоўцы ля Мінскага лядовага палаца спорту (вул. Прытыцкага, 27). 8 студзеня з 12.00 да 15.00 там жа адбудзецца фальклорнае свята «Прыйшла Каляда!».

7 і 8 студзеня ва ўсіх раёнах сталіцы пройдуць калядныя кірмашы.

Цэнтральны агульнагарадскі кірмаш з удзелам перапрацоўчых арганізацый, прадпрыемстваў-вытворцаў Гродзенскай вобласці, рыбгасаў рэспублікі і гандлёвых прадпрыемстваў сталіцы адбудзецца 7–8 студзеня з 09.00 да 16.00 каля Палаца спорту (пр. Пераможцаў, 4). Будзе прапанаваны разнастайны асартымент тавараў ад вытворцаў: мяса і мясныя паўфабрыкаты, каўбасныя вырабы і вэнджаніна, малочная прадукцыя, сыры, хлебабулачныя і кандытарскія вырабы, сажалкавая і азёрна-рачная рыба, а таксама сувеніры, падарункі і многае іншае без гандлёвай нацэнкі. Пакупнікоў чакаюць дэгустацыі і забаўляльная праграма.

Акрамя гэтага, 15 студзеня на тэрыторыі Дома міласэрнасці (вул. Скарыны, 11) у 12.00 пачнецца традыцыйнае каляднае свята «Духоўнасць сям’і — дабрабыт грамадзян».

Чытайце таксама:

Каментары да артыкула