ЗША не пярэчаць пабудове Беларускай АЭС

Але пры гэтым «не бачаць будучыні ў адносінах з Беларуссю» — дарадца дзяржсакратара ЗША.

«Мы не бачым будучыні ў адносінах з Беларуссю. Нас турбуе, што ў Беларусі няма ніякага прагрэсу ў бок дэмакратызацыі, — сказаў Філіп Гордан. — Мы сапраўды лічым, што ў Беларусі былі магчымасці пачаць паважаць дэмакратыю і правы чалавека і ісці ў бок лепшых стасункаў з намі. Аднак пасля расправы з апазіцыяй, пасля нядаўняга арышту праваабаронцы-актывіста Беларусь страціла такую ​​магчымасць. Таму мы бачылі, што ЗША зацвердзілі санкцыі ў адносінах да Беларусі, былі зробленыя аб’яднаныя захады ЗША і ЕС, якія паказалі, што такое недапушчальна. Мы не бачым будучыні ў адносінах з Беларуссю».

Закранаючы пытанне будаўніцтва АЭС у Беларусі, Філіп Гордан адзначыў:

«Пазіцыя ЗША такая: калі Беларусь перадае добра ўзбагачаны ўран (а для нас гэта важна), то ЗША не будзе супраць будаўніцтва ў Беларусі АЭС, калі яна будзе адказваць міжнародным патрабаванням бяспекі.

Мы не супраць права Беларусі на развіццё бяспечнай атамнай энергетыкі. Акрамя таго, гэта не звязана з пытаннем, дзе яна будзе пабудаваная, істотная думка, што любая дапамога беларускай электрастанцыі будзе залежаць ад таго, ці будзе яна адказваць патрабаванням бяспекі».

Каментары да артыкула