Азараў: Украіне больш выгадна тапіць вугалем
Пры цане расійскага газу 416 даляраў за 1 тыс. кубаметраў Украіне больш выгадна тапіць вугалем, заявіў журналістам прэм’ер-міністр Украіны Мікалай Азараў.
«Калі казаць пра выкарыстанне вугалю замест газу, калі газ каштуе 416 даляраў, як ён цяпер і каштуе, выкарыстоўваць вугаль мэтазгодна і эканамічна апраўдана. Але калі цана газу знізіцца, і будзе, напрыклад, 220 даляраў, то выкарыстоўваць вугаль становіцца, у параўнанні з газам, неэфектыўна», — сказаў Азараў.
Пры гэтым кіраўнік украінскага ўрада адзначыў, што Украіна ставіць перад сабой задачу скараціць ў 2012 годзе спажыванне дарагога расійскага газу.