Азаранка выйшла ў 1/8 фіналу Australian Open
У паядынку трэцяга раўнду Адкрытага чэмпіянату Аўстраліі па тэнісе беларуска (№3 WTA) перайграла немку Мону Бартэль (44) - 6:2, 6:4. У наступным матчы Вікторыя Азаранка сустрэнецца з чэшкай Іветай Бенешавай (46).
Год таму беларуска выбыла ў 1/8 фіналу адзіночнага разраду, саступіўшы кітаянцы На Лі -- 3:6, 3:6, а ў парным разрадзе з расіянкай Марыяй Кірыленка дайшлі да фіналу, дзе прайгралі Гізэле Дулько (Аргенціна) і Флавіі Пенета (Італія) - 6:2, 5:7, 1:6.