Ежы Бузек: Мы не верым ніводнаму рашэнню ўладаў Беларусі
Беларусь — адзіная еўрапейская краіна, якая не звяртае ўвагі ні на якія дэмакратычныя прынцыпы, заявіў еўрадэпутат.
Еўрадэпутат з Польшчы Ежы Бузек, які на гэтым тыдні скончыў працу на пасадзе старшыні Еўрапарламента, даў інтэрв’ю «Радыё Свабода».
Характарызуючы сітуацыю ў некаторых краінах Усходняй Еўропы, Бузек згадаў і Беларусь:
«У Беларусі сітуацыя значна горшая, бо трэба сказаць, што гэта адзіная еўрапейская краіна, якая не належыць да Рады Еўропы і не звяртае ўвагі ні на якія дэмакратычныя прынцыпы. Мы не верым ніводнаму рашэнню ўладаў, мы не бачым ніякай справядлівай судовай сістэмы ў гэтай краіне. Таму сёння вельмі цяжка пачаць сур’ёзнае супрацоўніцтва з Беларуссю».