У Кітаі паліцыя адкрыла агонь па тыбецкіх актывістах
У Кітаі паліцыя адкрыла агонь па тыбецкіх актывістах, у выніку чаго прынамсі адзін з іх загінуў, дзясяткі былі параненыя.
Пра гэта са спасылкай на агенцтва France Presse паведамляе газета Bangkok Post.
Паводле словаў праваабаронцаў і відавочцаў, сутыкненне паліцыянтаў і дэманстрантаў адбылося ў правінцыі Сычуань.
Прыхільнікі ўрада Тыбета ў выгнанні пратэстуюць супраць жорсткага кантролю кітайскіх уладаў над культурай і ладам жыцця тыбетцаў.