З НТВ сыходзіць кіраўнік праймавага вяшчання, што выпускала «Цэнтральнае тэлебачанне»

З расійскага тэлеканала НТВ сыходзіць кіраўнік дырэкцыі праймавага вяшчання Мікалай Картозія, пад чыім кіраўніцтвам выпускаліся перадачы тэлеканала, якія дазвалялі сабе крытыкаваць улады — «Цэнтральнае тэлебачанне», «Прафесія рэпарцёр» і «НТВшнікі». Картозія ў размове з «Газетой. Ru» ўхіліўся ад адказу на пытанне, ці звязаны яго сыход з цэнзурай на тэлеканале.

Выпуск інфармацыйных праграм на НТВ падзелены паміж дырэкцыямі праймавага і грамадска-прававога вяшчання. Дырэкцыя грамадска-прававога вяшчання стварае перадачы па крымінальнай тэматыцы, у яе адрас часцей за ўсё гучаць папрокі ў стварэнні заказных сюжэтаў супраць апазіцыі.

Картозія ўдакладніў, што сам прыняў рашэнне аб звальненні, а яго сыход аформлены па дамове двух бакоў.

Каментары да артыкула