Знакаміты саксафаніст Кені Джы прыязджае ў Мінск
Яго канцэрт адбудзецца 13 сакавіка.
Кені Джы, сусветна вядомы віртуоз саксафона і флейты, упершыню выступіць з канцэртам у Мінску,паведамляе сайт kvitki.by
Імя Кені Джы (Кенет Гарэлік) шырока вядомае ў колах сапраўдных знаўцаў джаза. Гэты віртуозны амерыканскі саксафаніст уваходзіць у спіс найлепшых амерыканскіх джазавых музыкаў усіх часоў, у дзясятку артыстаў, чые альбомы з’яўляюцца самымі прадаванымі па ўсім свеце і разыходзяцца мільённымі накладамі сярод прыхільнікаў інструментальнай музыкі.
Канцэрт пройдзе 13 сакавіка ў мінскім Палацы Рэспублікі. Цана білетаў: ад 130 тыс. да 420 тыс. рублёў.
Выступаць Кені Джы будзе ў суправаджэнні Прэзідэнцкага аркестра.