Жыхар Магілёўскага раёна спрабаваў абрабаваць банк

Жыхар пасёлка Усход Магілёўскага раёна спрабаваў абрабаваць мясцовае аддзяленне банка.

Як паведамілі ва ўпраўленні Следчага камітэта Беларусі па Магілёўскай вобласці, раней не судзімы 49-гадовы грамадзянін, які станоўча характарызаваўся, узяў банкаўскія крэдыты, аднак не змог па якіх разлічыцца. Каб паправіць свае фінансавыя справы, ён адважыўся на рабаванне аддзялення «Беларусбанка» ў пасёлку, у якім касірам працавала яго аднакласніца.

28 студзеня ў 18.55 перад закрыццём аддзялення мужчына прыйшоў да банка і, калі касір выходзіла, ударыў яе бутэлькай па галаве, спадзеючыся, што калі яна страціць прытомнасць, ён зможа ўкрасці з банка наяўныя грошы. Аднак жанчына не страціла прытомнасць ад удару, больш за тое, павярнуўшыся, пазнала зламысніка.

Падазроны ў нападзе на банк паспрабаваў уцячы. Пасля спробы рабавання ён не начаваў дома. Тым не менш, дзякуючы аператыўным дзеянням праваахоўнікаў, 29 студзеня ён быў затрыманы.

Распачата крымінальная справа, праводзіцца следства.

Каментары да артыкула