Стан рэспубліканскіх аўтадарог блізкі да крытычнага

На рэспубліканскіх дарогах 20–30 гадоў фактычна не рабіўся рамонт, акрамя ямачнага.

Пра гэта паведаміў сёння на прэс-канферэнцыі начальнік упраўлення ўтрымання дарожнай сеткі дэпартамента «Белаўтадар» Міністэрства транспарту і камунікацый Аляксандр Галаўнёў.

«Калі магістральныя дарогі яшчэ больш-менш у нармальным стане, то рэспубліканскія, якія не з’яўляюцца магістральнымі і злучаюць абласныя гарады з раённымі цэнтрамі, ужо ў стане, блізкім да крытычнага»,

На будаўніцтва і рэканструкцыю дарог сродкаў траціцца больш, чым на падтрыманне іх у нармальным стане. Трэба перабудаваць гэты падыход, лічыць начальнік упраўлення. «Калі я яшчэ тры-чатыры гады таму ганарыўся беларускімі дарогамі, то сёння я ўжо не магу адкрыта сказаць, што ў нас самыя добрыя дарогі», — сказаў Аляксандр Галаўнёў.

Начальнік упраўлення таксама расказаў аб рабоце дарожных службаў у моцныя маразы. «Мы не дапусцілі ні ўтварэння затораў, ні зрываў руху маршрутнага транспарту або спецслужбаў», — адзначыў ён.

Прымяненне солі пры тэмпературы 20 градусаў марозу і ніжэй выклікае галалёд.

У гэтым годзе на МКАД моцныя маразы выклікалі масавую аварыйнасць.

Будзе прааналізавана эфектыўнасць і, магчыма, пасля з’явяцца змяненні ў правілах дарожнага руху па абмежаванні хуткасці транспартных сродкаў на дарогах у марознае надвор’е.

Каментары да артыкула