У Беларусь не пусцілі пасланца кіраўніцтва Нямеччыны
Мінск адмовіў ва ўездзе ўпаўнаважанаму ўрада ФРГ па правах чалавека Маркусу Лёнінгу, які вёз пасланне ад Вэстэрвэле.
Пра гэта паведамілі ў нямецкім Міністэрстве замежных справаў.
«Я вельмі шкадую, што мне не рады ў Менску», — адзначыў амбудсмэн. Паводле яго, урад ФРГ, тым не менш, і далей будзе прыкладаць намаганні для ўмацавання правоў чалавека ў Беларусі.
Лёнінг, паводле МЗС, на працягу трохдзённай паездкі ў Мінск павінен быў сустрэцца з актывістамі праваабарончых арганізацый, а таксама перадаць Аляксандру Лукашэнку пасланне ад міністра замежных спраў Нямеччыны Гіда Вэстэрвэле.
Associated Press са спасылкай на словы Лёнінга паведамляе, што ў лісце Вэстэрвэле змяшчаўся заклік да «гуманнага вырашэння» асобных крымінальных спраў, як мяркуецца, у дачыненні да палітвязняў.
Таксама Лёнінг планаваў наведаць у турме лідара «Вясны» Алеся Бяляцкага, які асуджаны на чатыры з паловай гады няволі.
Маркус Лёнінг неаднаразова выказваў падтрымку дэмакратычным сілам Беларусі і заклікаў неадкладна вызваліць і рэабілітаваць усіх беларускіх палітвязняў.