Нэльсан Мандэла шпіталізаваны
У 93-гадовага палітыка -- болі ў брушной поласці.
Экс-прэзідэнт Паўднёва-Афрыканскай Рэспублікі Нэльсан Мандэла шпіталізаваны ў бальніцу Ёханесбурга.
Мандэла, якому летась споўнілася 93 гады, скардзіцца на боль у брушной поласці, яму неабходнае назіранне спецыялістаў.
Нэльсан Мандэла – першы чарнаскуры прэзідэнт ПАР. У перыяд апартэіду ён змагаўся за роўныя правы для белага і чорнага насельніцтва, за што адсядзеў у турме агулам 27 гадоў.
Мандэла займаў пасаду кіраўніка дзяржавы ад 1994 да 1999 года.