Лаўрэаты прэміі Навумавай: Калінкіна, Касцюгова, Палажанка

Кампанія «Гавары праўду» абвясціла лаўрэатаў прэміі імя Святланы Навумавай.

У намінацыі «Журналістыка» — шэф-рэдактар газэты «Народная Воля» Святлана Калінкіна

У намінацыі «Аналітыка» — рэдактар інтэрнэт-сайту «Наша думка» Валерыя Касцюгова

У намінацыі «Надзея» — намесніца старшыні «Маладога Фронту» Наста Палажанка

Уручэнне прэсіі адбылося ў офісе Партыі БНФ.

Уручэнне прыпала на 1 сакавіка, з тае нагоды, што дзень народзінаў Святланы Навумавай прыпадае на 29 лютага, але яна заўсёды адзначала свой дзень народзінаў 1 сакавіка, як сімвал пачатку вясны, пачатку аднаўлення.

***

Палітолаг, выкладчык ЕГУ Святлана Навумава памерла 10 сакавіка 2011 года, на 56-м годзе жыцця.

Адразу пасля яе смерці калегі і сябры вырашылі заснаваць у памяць пра Святлану Навумаву прэмію для прафесійных палітыкаў, аналітыкаў і журналістаў.

Мэта гэтай прэміі — ушанаваць памяць вядомага палітолага Сьвятланы Навумавай і адзначыць лепшых журналістаў-палітолагаў і маладых палітыкаў, дзеля таго, каб заахвоціць людзей гэтых прафесій да праўды, справядлівасці і сваёй прафесіі.

Каментары да артыкула