У Польшчы абвешчаная жалоба па ахвярах чыгуначнай катастрофы
Яна працягнецца два дні.
Нагадаем, што ўвечары ў суботу на поўдні Польшчы сутыкнуліся лоб у лоб два цягнікі. Паводле апошніх звестак, у выніку трагедыі загінулі 16 і каля 60 пасажыраў атрымалі раненні. У лякарнях застаецца 51 пацярпелы. Шмат хто з іх у цяжкім стане.
Міністр транспарту Славамір Новак заявіў, што гэта самая маштабная чыгуначная катастрофа за апошнія гады ў Польшчы. Трагедыю расследуе камісія па чыгуначных здарэннях, а таксама пракуратура.