У Жлобінскім раёне затрымана партыя кантрабанднага адзення на 1 млрд рублёў
Буйную партыю кантрабанды выявілі 15 сакавіка ў Жлобінскім раёне Гомельскай вобласці супрацоўнікі службаў па барацьбе з эканамічнымі злачынствамі мясцовага РАУС, УУС аблвыканкама і Дзяржаўтаінспекцыі.
Як паведамілі ў МУС, блізу вёскі Беліца міліцыянеры спынілі два мікрааўтобусы "Мерседэс", якімі кіравалі жыхары Бабруйска і Салігорска. У машынах яны без адпаведных дакументаў перавозілі адзенне і абутак замежнай вытворчасці на 1 мільярд рублёў.