«Выпрабавальны тэрмін» увядуць для жонак-замежніц у Канадзе
Урад Канады рыхтуе законапраект аб увядзенні двухгадовага «выпрабавальнага тэрміну» для
Законапраект прадугледжвае дэпартацыю жанчыны ў выпадку, калі яе шлюб з канадцам працягнецца менш за два гады. У красавіку гэтая ініцыятыва пройдзе этап грамадскіх абмеркаванняў, а законам яна стане ў сярэдзіне гэтага года.
Новаўвядзенне прыйшлося даспадобы арганізацыі «Волга Гёрл», якая займаецца арганізацыяй знаёмстваў па пошце і праз інтэрнэт. Гэтая кампанія пазіцыянуе сябе як найбольш надзейны і эфектыўны спосаб знайсці сабе рускую жонку.
«Няхай яны атрымліваюць візу на ўезд у Канаду, а пасля гэтага двухгадовы выпрабавальны тэрмін быў бы карысным»,— сцвярджае прадстаўнік «Волга Гёрл» Марк Скрывенер. На яго думку, новыя правілы дазволяць «легалізаваць» бізнэс па арганізацыі знаёмстваў.
Аднак выканаўчы дырэктар Атаўскай кааліцыі за спыненне гвалту ў дачыненні да жанчын Стэфані Ламацкі лічыць, што
новыя правілы паставяцьжонак-замежніц у цяжкую сітуацыю, калі іхмужы-канадцы будуць груба з імі абыходзіцца.
«У гэтай новай ініцыятыве не захаваны баланс. Калі жанчына падвергнецца ў нашым грамадстве грубаму абыходжанню, то мы ведаем, што такі зварот будзе замоўчвацца праз боязь дэпартацыі», — сцвярджае Стэфані Ламацкі.